Претседателот на Ракометната Федерација на Македонија, Живко Мукаетов, изрази задоволство од изборот на Лино Червар за нов селектор на националниот тим. Со шефот на стручниот штаб на Металург е потпишан договор за четиригодишна соработка, а Червар покрај ангажманот како селектор на сениорите, ќе има задача и да координира со младинските репрезентации.
– Денеска ми е голема чест и задоволство што го потврдуваме она што како Управен одбор и раководство на РФМ го одлучивме – Лино Червар да биде селектор на сениорската репрезентација. За мене како претседател е големо задоволство како селектор да имаме човек кој е олимписки и светски првак, човек што придонесе многу за развојот на ракометот во Македонија од моментот кога дојде во нашата татковина. Нашата идеја е да работиме на долги патеки, договорот е на четири години и не се однесува на А селекцијата, туку тој треба да ја координира работата на сите млади машки репрезентации – изјави Живко Муакетов.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
