Провокации на „Евровизија“ – Албанец со контроверзно прашање за српската претставничка (ВИДЕО)

Прашањето почнува на 5:20 минута

Српската претставничка на „Евровозија“ се најде во незавидна ситуација на вчерашната прес- конференција во Стокхолм, пренесува српски „Информер“.

Сања Вучиќ и нејзиниот тим од Србија на настапот ќе носат кожни фустани со реси, светлосните ефекти претставуваат решетки како симбол на ропството на угнетените жени, а црвените ЛЕД екрани значат срце кое не престанува да чука.

Иако ова би ги асоцирало луѓето токму на она што треба да биде – на љубов, на еден новинар од Тирана тоа му беше јасен симбол на албанското знаме, а пејачката со раширени раце во фустан со реси го асоцирала на орелот од нивното национално обележје, пренесува српски Информер. –

Повеќето земји оваа година ја имаат бојата на нивното знаме на ЛЕД екраните, но тоа не е случај со Србија.

Дури и вашата гардеробa на на некој начин ja претставува Албанија. Моето прашање е, дали е ова поради зближувањето на Србија со Албанија, праша новинарот.

На пејачката ѝ беше даден знак да не му одговори таа, туку тоа да го направи режисерот на настапот, Марко Новаковиќ.

– Српската песна зборува за растечкото насилство врз жените, а нашата идеја е тие да се обединат и да го победат насилството. Тажен сум што вие овде препознавате некакви симболи, кои ние не сакаме да ги покажеме, бидејќи тие се само во вашата глава – му рече српскиот режисер на албанскиот новинар.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.