Портланд го „исчисти“ Клиперс, на истокот ќе гледаме две мајсторки (видео)

Синоќа беа одиграни три натпревари во НБА лигата. На истокот драма, во Канада и на Флорида ќе се игра седни меч, на западот Портланд продолжува со офанзивата.

Шутот на Двејн Вејд проработ кога е најпотребно. Неверојатната низа од 22 промашувања кои траеја неколку месеци (бидејќи Вејд ретко шутира тројки) беше прекината синоќа. Погоди две тројки, од кои една во последната минута, а Мајами победи во Северна Каролина.

Со оваа победа Мајами го возврати „брејкот“ на Шарлот и се избори за мајсторка, која ќе ја играат на домашен терен.

Одличната игра на Кемба Вокер не беше доволна, постигна 37 поени, Ал Џеферсон додаде 18, но потфрлија останатите играчи на Хорнетс, Марвин Вилијамс го одигра најлошиот меч во оваа серија, не постигна ниту еден поен.

Кај Мајами Вејд постигна 23, а Денг 21 поен, нивниот тим имаше многу подобар процент на шут. Сега би требало да биде полесно за Мајами на нивни терен, бидејќи Шарлот е познат како „домаќинска“ екипа, зимајќи в предвид дека во текот на регуларната сезона имаа само 11 порази во Северна Каролина.

Индијана победи полесно од очекуваното, после израмнетото прво полувреме, победи против Торонто и ќе патува во Канада на седми финален меч. Пол Џорџ постигна 21 поен, на кои додаде и 11 скокови. Кај Торонто повторно потфрли Дерозен, имаше само 8 поени, погоди 3 од 13 шутеви, Ловри исто така одигра лошо (само 4 погодоци од 14 шутеви).

На западот го добивме и последниот полуфиналист. Портланд го искористија отсуството на повредените Пол и Грифин, во крајно драматичен натпревар победија против Клиперс и со конечни 4-2 во партии, како најголемо изненадување сезонава, се пласираа во конференциското полуфинале каде ќе се соочат со шампионот Голден Стејт.

Лилард беше најефикасен во победничкиот тим, постигна 28 поени, на кои додаде 7 асистенции и 5 скокови.
Портланд е само вториот тим кој успеал од негатива 0-2 во првата рунда од плејофот да ја добие серијата и да се пласира во наредната рунда. Претходно тоа им успеа на Мемфис во 2013 година, а интересно е што и тогаш „жртвата“ беше ЛА Клиперс.

Резултати:

Портланд – Клиперс 106-103 (4-2 во партии)
Шарлот – Мајами 90-97 (3-3)
Индијана – Торонто 101-83 (3-3)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.