Највлијателните личности на светот годинава се папата Франциск, американскиот претседател Барак Обама, рускиот претседател Владимир Путин, турскиот претседател Реџеп Таип Ердоган, лидерот на Северна Кореја Ким Џонг-Ун, пејачката Ники Минаж, индиската актерка Пријанка Чопра, објави во четвртокот американскиот неделник „Тајм“.
На најновата листа на највлијателни луѓе во светот се политичари, актери, спортисти, уметници, локални активисти, како и луѓе досега непознати во јавноста.
Меѓу 40 највлијателни жени се Мелиса Мекартни, младата пејачка и актерка Аријана Гранде, Идрис Елба, Ники Хејли, додека меѓу највлијателните мажи се Тим Кук, Си Џипинг, Џон Кери и други.
Оскаровецот Леонардо ди Каприо, актерката Шарлиз Терон, основачот на „Фејсбук“ Марк Цукерберг и неговата сопруга Присила, како и ѕвездата Кетлин Џенер се наоѓаат на овогодинашната листа на 100 највлијателни.
Американскиот магазин ги стави на листата на највлијателни и кандидатите за претседателски номинации на САД, Доналд Трамп, Хилари Клинтон и Берни Сандерс.
Листата на највлијателни луѓе е во пет категории: трагачи, џинови, уметници, лидери и симболи.
На листата „лидери“ се директорката на Меѓународниот монетарен фонд Кристин Лагард, државниот секретар на САД Џон Кери, германската канцеларка Ангела Меркел, францускиот претседател Франсоа Оланд, новиот претседател на Аргентина Маурисио Макри.
На листата на „симболи“ се славниот холивудски актер и заштитник на животната средина Леонардо ди Каприо, пејачката Адел, актерката Џенифер Лоренс.
На листата се најде и инженеерот Ден Картер, која ја разоткри аферата со „Фолсваген“ со емисијата на штетни гасови.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
