Во уништувањето на спомениците и разните државни и приватни објекти и хулиганството во рамки на протестите организирани од невладините на Сорос и СДСМ, учествуваат фукционери и членови на СДСМ.
Речиси сите на јавноста и се добро познати, голем дел од нив досега многупати можеа да се видат и на други насилни протести во организација на невладините организации на Сорос и СДСМ.
Во хулиганството, нападот на полицијата, сквернавењето на Порта Македонија, Министерството за култура – објект од триесетите години на минатиот век и низата напади учествуваше Алек Гошев, член на СДСМ и НВО „Аман“.
Во првите редови на насилните протести се најдоа и лидерот на СДСМ Зоран Заев и пратеникот од опозицијата Горан Сугаревски, како и поранешниот секретар на СДСМ Горјан Тозија. 
Меѓу хулиганите свое место најдоа и Љубомир Јосифовски пратеник од НСДП, Ѓуро Кешкец од СДСМ, Стојанче Ангелов од „Достоинство“, братучедот на Радмила Шекеринска, Никола Наумовски и Бориан Афтимов од СДСМ на Центар.
По полицијата со металните заштитни огради удрија познатиот Душко млекарот, како и Цане Илиевски кој е осуденик за силување на малолетно девојче.
Љуми Бекири од ЛГБТ кој учествуваше на многу протести, беше неизоставен дел и од овие насилни протести, како и Вики Младенова од Хелсиншкиот комитет.
Протестите на СДСМ и Сорос добија поддршка и од Гзим Острени од УЧК.
Грците беа и во првите редови на насилните протести во Битола. Најредовен и во првите редови на протестите што ги организираат СДСМ и СОРОС е 54-годишниот Марвакис Атанасиос од Солун. 
Според објавите на неговиот профил на Фејсбук, може да се процени дека Марвакис Атанасиос е поддржувач на политиките на поранешниот министер за финансии на Грција Јанис Варуфакис.
Протестантите ја напаѓаа полицијата, целосно ја демолираа и го запалија инвентарот на народната канцеларија на претседателот Ѓорге Иванов, а искршена беше и канцеларијата во Тетово. Сквернавена беше Порта Македонија, а хулиганите удрија и по фонтаната кај споменик Воин на коњ, градскиот плоштад, Министерството за култура, споменикот на АСНОМ, како и зградите околу плоштадот.
Ваквото деструктивно однесување на протестантите и нападот на спомен обележјата наиде на голема осуда кај видни луѓе од областа на спортот, актерството, уметноста. Тие сметаат дека она што го сплотило македонскиот народ и каде сите заедно славеле успех и се радувале, како и нешто што потсетува на историските триумфи на македонскиот спорт не смее и не треба да се уништува.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
