Српската Влада доби кривична пријава поради предавството на Косово

Движењето Двери поднесе денеска до Вишото јавно обвинителство во Белград кривична пријава против сите членови на српската Влада, како и против членовите на делегацијата која преговараше во Брисел.

Ова десничарско движење смета дека највисоките носители на државни функции ја загрозиле безбедноста на Србија и нејзиното уставно уредување.

Според членот на раководството на Движењето Двери, Срѓан Ного, пријавата се поднесува поради „признавање на окупација и капитулирање и признавање на отцепувањето на територијата на Косово и Метохија“.

– Ова е една јасна порака до сите луѓе во државниот систем дека мораат да водат сметка за законитоста на своите одлуки и дека предавството не може да помине без последици и за тоа некогаш ќе се одговара, истакна Ного.

Движењето за в петок најави нови протести пред српскиот Парламент.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.