Коби Брајант ја заврши кариерата со стил, на последниот натпревар постигна 60 поени (видео)

Коби Брајант и дефинитивно стави крај на својата кариера, а легендарниот кошаркар се погрижи и во својот последен меч во дресот на ЛА лејкерс да остави силна трага. Дуелот со Јута беше од ревијален карактер, сите погледи беа свртени токму кон Брајант, кој успеа да реализираше фантастични 60 поени.

Мора да се истакне дека Коби имаше дури 50 удари кон противничкиот кош (22/50), шутирајќи 21 тројка, од која погоди шест. Тој ги промаши првите пет шутеви, но сепак ја заврши четвртината со 15 поени. Како што минуваше времето, така и Брајант носен на крилата од фановите играше се подобро, па тој самиот го направи пресвртот во финишот, кога по неегатива од 86-96 го предводеше камбекот се до конечниот триумф на лејкерси со резултат 101-96.

– Бев најголемиот фан на лејкерси уште од мали нозе, знаев се за секој играч што играше за овој клуб. Најгорд сум на годините во кои не бевме на највисоко ниво, бидејќи никогаш не се предадовме. Можам само да кажам: Фала за поддршката, мотивацијата и инспирацијата. Ви благодарам од се срце, многу ве сакам. Она што е најсмешно е што 20 години сите ми велеа да ја додавам топката, а денеска сите ми викаа: Немој никому да додаваш, само ти шутирај – се пошегува за крај неповторливиот Коби Брајант.

Коби Брајант освои пет шампионски титули со ЛА лејкерс, беше МВП на лигата во 2008 година, а по два пати беше МВП на финалните серии, како и прв стрелец на лигата. Тој освои и две олимписки злата, во 2008 и во 2012 година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.