Спасовски повторно згазна врз владините одлуки – Ременски доби ново унапредување

Сопругот на Ременски унапреден по втор пат. Оливер ја погази и Владината одлука.

Техничкиот министер за внатрешни работи Оливер Спасовски вчера попладне издал наредба правните служби во МВР да работат до доцна синоќа и да ги повторат сите незаконски решенија кои беа поништени од Владата.

Со одлуката на Владата практично беа прогласени за ништовни незаконските унапредувања на сопругот на министерката Фросина Ременски и уште стотици други партиски послушници на СДСМ кои беа унапредени спротивно на системот на кариера во МВР за по 7 нивоа нагоре во хиерархијата.

Практично без интерни огласи и без јасни критериуми беа поделени околу 500 решенија за само неколку месеци.

Со новиот потег на Оливер Спасовски освен што повторно е унапреден сопругот на Фросина Ременски, погазена е одлуката на Владата, во која што е член Оливер Спасовски и сторено е кривично дело преку нејзиното непочитување. За апсурдот да биде поголем, Оливер Спасовски и СДСМ излегоа со став дека си поднеле оставки и не учествуваат во владата.

Нетпрес дознава дека истото се случило и со министерката Фросина Ременски која поднесе оставка. Таа исто како и нејзиниот колега Спасовски ги изготвила истите решенија кои беа поништени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.