Дали боледувате од просопагносија?

Секогаш заборавате лица и ова однесување некогаш знае да ви ја отежне секојдневната комуникација? Не сте сами. Во светот постојат многу луѓе кои што го имаат овој проблем, вклучувајќи го и Бред Пит. Оваа состојба медицински се нарекува просопагносија, поим кој што означува неспособност да ги препознаете луѓето по нивните лица.

Оние кои не можат да запаметат лица, најчесто се мисли дека имаат проблеми со меморијата. И за разлика од оние кои што не можат да запаметат лица заради мозочен удар или повреда, луѓето со просопагносијацел живот го имаат овој проблем и се целосно здрави.

Развојната просопагносија е пример за невроразвојна состојба, слична на дислексија. До неодамна, оваа состојба се сметаше дека е многу ретка, но денеска може да се каже дека еден од 50 луѓе, може да доживеат проблеми со препознавање, доволно сериозни за да се одразат врз секојдневниот живот. Оваа состојба сè уште не е доволно испитана, а се претпоставува дека е наследна.

Личностите кои се соочуваат со просопагносија, се смета дека прават поинакви мозочни врски, а со тек на време, се учат да живеат со својот проблем, често непрепознавајќи дека патат од нарушување. Тие учат да препознаваат фацијални карактеристики, на пример голем нос, начин на движење на телото, боја на глас и слично.

Доколку ве интересира дали можеби вашето дете има просопагносија, чести значи кои се можни индикатори за препознавање на оваа состојба се: детето постојано не ги препознава познатите луѓе кога ги гледа неочекувано; додека ве чека да го земете од училиште или градинка, чека да му дадете знак или оди кај непознати луѓе мислејќи дека сте вие; на училиште често се повлечени и тешко остваруваат пријателства; имаат тешкотија при следење на филмско дејствие или телевизиска серија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.