Ова 23 годишно момче поради мистерозна болест е „заробен“ во тело на бебе, а поради тоа жителите го гледаат како реинкарнација на бог. Manpreet Singh од Хисар, северозападна Индија, тежи 5 килограми иако е роден 1995 година.
Тој се родил здрав, но престанал да се развива откако наполнил 1 година, пред да почне да оди и да говори. Сега го чуваат како бебе неговиот чичко и тетка.
Неговото семејство никогаш не добило објаснување зошто престанал да се развива во толку рана возраст, а локалните доктори претпоставуваат дека се работи за хормонален дисбаланс. Научниците сметаат дека Manpreet има Ларонов Синдром, ретко генетско заболување, но никој не може со сигурност тоа да го потврди, бидејќи семејството на момчето не може да си го дозволи тоа истражување кое чини околу 5.000 фунти.
Чичкото на ова дете вели дека тој се смее како дете и ретко кога е тажен. Плаче само кога ќе слушне некое животно, на пример куче, а инаку е многу дружељубив. Неговата тетка вели дека научил да „говори“ преку знаци, па кога имаат гости гестикулира и се дружи со нив.
„Го пративме неколку пати кај неговите родители, но не сакаше да остане со нив. Кога е таму не јаде и плаче цело време. Но, кога ќе се врати кај нас, повторно е весело дете. Оваа мала радост ја сакаме толку, што од помислата да не е со нас ми доаѓа да заплачам“, раскажала тетката.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
