Портланд убедлив против Мајами, нов рекорд на Сан Антонио (видео)

Портланд со одлична втора четвртина го реши дуелот со Мајами, а диригентската палка од Демијан Лилард, кој имаше 18 поени и четири асистенции, ја презеде Мекколум кој постигна 24 поени, со плус седум асистенции. Кај Мајами, Вајтсајд мечот го заврши со 20 поени и 13 скока, а Луол Денг исто така запиша „дабл-дабл“ од 14 поени и 13 скока.

Сепак и по поразот, Мајами се најде во плејофот а причина за тоа е Причина за тоа е поразот на Чикаго од Детроит по што Мајами и официјално обезбеди пласман во плеј офот. Единствената лоша работа од натпреварот против Портланд е фактот што го почнаа како трети, а го завршија како шестопласирани во Источната конференција.

Екипата на Сан Антонио го совлада Торонто со 102-95 на домашен терен и дојде до 64. победа во основниот дел од сезоната што е нов клупски рекорд за тимот од Тексас. Со оваа победа, Спарс ја продолжи низата победи на домашен терен на 39 или вкупно 48 од март минатата година, а Тим Данкан со 11 скока и три блокади придонесе за својата 999. победа во кариерата, сите во дресот на Сан Антонио.

За продолжение на рекордите се погрижи Кавај Ленард кој постави личен рекорд од 33 поени, а одличен беше и Ламаркус Олдриџ во 31 поен и 15 скока. Торонто играше без најдобрите кошаркари Кајл Лаури и Демар Дерозан, па во такви услови најефикасен беше Нормал Пауел со 18 поени.

НБА резултати:

Портланд – Мајами 110-93
Денвер – Сакраменто 106-115
Чикаго – Детроит 90-94
Сан Антонио – Торонто 102-95
Филаделфија – Индијана 102-115

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.