На крајот од кариерата Коби Брајант го доживеа и натешкиот пораз, Вестбрук на чекор од рекордот на Меџик (видео)

Коби Брајант кој на крајот од оваа сезона ќе ја заврши богатата кариера, не очекуваше дека токму на две недели од неговото пензионирање ќе го доживее и најтешкиот пораз.

На гостувањето во Солт лејк сити против сосема просечниот состав на Јута џез, Коби ги предводеше лејкерси на ова гостување, но „езерџиите“ беа целосно надиграни од страна на „џезерите“, губејќи со огромни 48 поени разлика (123-75). „Црната мамба“ целосно се вклопи во сивилото на својот тим постигнувајќи само пет поени со очаен шут од поле 1/11. Најефикасен кај Јута џез, воедно и на натпреварот беше Родни Худ со 30 поени. Интересно, Худ сите 30 поени ги постигна во првото полувреме, погодувајќи и осум тројки, но потоа во вториот дел беше чуван од страна на Коби Брајант и не успеа да се запише меѓу стрелците.

– Знаев дека е побрз од мене и не му дозволував да ја прими топката бидејќи ако ја прими во добра ситуација доволно е брз за да ме мине и да реализира – изјави Брајант, чија добра дефанзива сепак не помогна да се избегне катастрофален пораз во Солт лејк сити.

Бекот на Оклахома Расел Вестбрук се израмни по бројот на трипл-дабл ефекти со големиот Мајкл Џордан во еден месец. Тој во синоќешниот натпревар против Торонто во кој неговата екипа победи со 119-100, реализираше 26 поени, 12 асистенции и 11 скока. Тоа беше седми трипл-дабл за Вестбрук во март и сега е на чекор од рекордот на Меџик Џонсон кој има 17 трипл-дабли во една сезона. До крајот на основниот дел, Оклахома има уште осум натпревари и Вестбрук е со реални шанси да се израмни, па дури и да ја помине некогашната ѕвезда на Лејкерс.

Во сенка на Вестбрук беше Кевин Дурант кој постигна 34 поени и беше најефикасен кошаркар на паркетот.

НБА резултати:

Мајами – Бруклин 110-99
Торонто – Оклахома 100-119
Чикаго – Атланта 100-102
Мемфис – Сан Антонио 87-101
Минесота – Феникс 121-116
Њу Орлеанс – Њујорк 99-91
Денвер – Далас 88-97
Јута – ЛА Лејкерс 1123-75
Портланд – Сакраменто 105-93
ЛА Клиперс – Бостон 114-90

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.