Првиот трејлер за новото продолжение: Кој е таткото на бебето на Бриџит Џоунс? (видео)

Поминаа 12 години од последниот филм за авантурите на Бриџит Џоунс и сите со нетрпение го очекуваат нејзиното враќање на филмското платно.

Вчера беше објавен и првиот рекламен спот за филмот во септември пристига во киносалите, а тој ќе донесе многу прашања и малку одговори. Покрај Рене Зелвегер, тука се и Колин Фиртх како Марк Дарси и Патрик Демпси како нејзиниот нов љубовник. Двајцата се борат за наклонетоста на Бриџит, а кога нашата хероина ќе дознае дека е бремена ќе дојде во вистински хаос поради тоа што не е сигурна које таткото на бебето.

46 – годишната актерка открила дека за потребите на филмот се снимале три различни краеви и дека никој сè до премиерата не знае како ќе заврши филмот.

-Тоа на некој начин е одлично. Никој од актерите не знае кој е таткото на бебето на Бриџит или кого на крајот ќе го одбере. Планираат да нè држат во неизвесност до крајот на филмот – изјавила Зелвегер.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.