Новицки е неверојатен, игра како во најдобрите времиња (видео)

Германската НБА ѕвезда Дирк Новицки потсети на своите најдобри времиња од минатото кога беше незапирлив на терените. Тој го одведе својот тим Далас до победа над Портланд oд 132-120 по едно продолжение. Новицки им пркоси на своите речиси 38 години и беше најдобар поединец во својот тим кој се бори за пласман во плејофот. Тој синоќа постигна неверојатни 40 поени, надополнувајќи со осум скока и четири асистенции за 39 минути игра.

Голема помош имаше од Дерон Вилијамс кој постигна 31 поени со 16 асистенции, но Новицки беше кошаркарот кој погодуваше во клучните моменти.

Далас можеше да го реши мечот уште во раната фаза откако на стартот од последната четвртина имаше и двоцифрена предност, но Портланд успеа да стигне и дури преку Лилард имаше напад за победа во последните секунди. Првата ѕвезда на Блејзерс не погоди, а во продолжение Новицки и Вилијамс беа незадржливи. Двајцата ветерани го неутрализираа триото на Портланд: Лилард-Мекалум-Крејб кои заедно постигнаа 72 поени, само еден повеќе од двајцата кошаркари на Далас.

– Јас не сум херојот, Дерон Вилијамс одлично ни ја организираше играта цел натпревар. Тука беше и Сачах Меџри, кој го смени ритамот на средбата, така што многумина се заслужни за оваа победа – скромно изјави Дирк Новицки по мечот.

Со оваа победа, Маверикс се израмнија со Хјустон и си ги зголемија шансите за пласман во плеј офот. Дури чеетири екипи сега се борат за последните две позиции кои водат во разигрувањето за титулата.

Њу Орлеанс славеше со 109-105 во пресметката со ЛА клиперс, но оваа победа остана во сенка на информацијата дека најдобриот кошаркар на „пеликаните“, Антонио Дејвис, нема да се врати на терените до крајот на сезонава.

НБА резултати:

Њујорк – Сакраменто 80-88
Милвоки – Јута 85-94
Њу Орлеанс – ЛА Клиперс 109-105
Филаделфија – Бостон 105-120
Торонто – Орландо 105-100
Далас – Портланд 132-120

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.