„Старата дама“ е владетел на Торино, Фиорентина не успеа да дојде до триумф (видео)

Без поголеми проблеми Јувентус со 1-4 ја доби градската пресметка против Торино во 30. коло во Серија А.

„Црно-белите“ комплетно доминираа на теренот уште во првото полувреме стекнувајќи се со предност од 0-2, по која веќе се навести победникот на дуелот.

Погба во 33. минута го донесе Јувентус во водство, а Кедира во 42. минута зголеми на 0-2. Откако Белоти од пенал во 48. минута намали на 1-2, потоа следеа уште два погодоци на Мората во 63. и во 76. минута, за конечни 1-4.
Поради неспортски однос, во 87. минута од натпреварот Кедира заработи и директен црвен картон.

Фиорентина не успеа да дојде до триумф, ремизирајќи без голови на гостувањето против Фросиноне. Гостинска победа запиша и Карпи од 1-2 против Верона, како и Киево против Сампдорија.

Резултати Серија А 30.коло:

Аталанта – Болоња 2-0

Фросиноне – Фиорентина 0-0

Верона – Карпи 1-2

Сампдорија – Киево 0-1

Торино – Јувентус 1-4

Сасуоло – Удинезе 1-1

Наполи – Џенова (18 ч.)

Милан – Лацио (20:45 ч.)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.