Интер ја прекина низата од осум победи на Рома (видео)

Рома и Интер одиграа 1-1 во дерби натпреварот од 30. коло во Серија А, дуел во кој и двете екипи можат да жалат што не стигнаа до цел плен. „Волчицата“ влезе во натпреварот со серија од осум победи по ред во Калчо-лигата, но не успеа да ја продолжи оваа низа. Иако го контролираа натпреварот во поголемиот дел од средбата, римјаните можат да бидат и задоволни што останаа непоразени, ако се знае дека од 53. минута беа во негатива по погодокот на Иван Перишиќ.

„Неро-аѕурите“ беа без помошта на Икарди, Паласио и Јоветиќ, но одиграа максимално зрело, па се најдоа на добар пат да стигнат до првиот триумф на „Олимпико“ против Рома по речиси седум години. Сепак, нивното славје го спречи Наинголан, кој со гол на шест минути до крајот донесе голем бод на домашниот тим.

Рома со ова реми сега има 60 бода на третото место, со пет бода предност во однос на Интер во трката за место во квалификациите за ЛШ следната сезона.

Roma vs Inter 1-1 All Goals & Highlights 19.03… by tony-hoksa1

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.