Барселона рутински до четвртфиналето, инфаркт меч во Минхен (видео)

Барселона е претпоследниот патник во четвртфиналето од Лигата на шампионите откако и во вториот натпревар во двомечот со Арсенал на „Камп Ноу“ славеше рутинска победа од 3-1. Четата на Луис Енрике не одигра во своето препознатливо темпо на лизгавиот терен поради обилниот дожд, но сепак успеа да стигне до победата откако триото Нејмар – Суарез – Меси учествуваше со еден гол.
Арсенал иако загуби и во вториот меч, првиот во Лондон заврши со победа на Барселона од 2-0, не се посрамоти и одигра далеку поквалитетен натпревар во реваншот.
Знаејќи дека нема што да загуби Арсен Венгер играта на своите избраници ја постави со офанзивна тактика. Тоа вроди со плод на почетокот од второто полувреме кога Арсенал успеа да израмни со голот на Елнени во 51. минута. Претходно во првиот дел Барселона поведе со голот на Нејмар по додавањето на Луис Суарез во 18.минута. До крајот на мечот се ди дојде на свое место и големиот фаворит постигна уште два гола. Најпрвин уругвајскиот интернационалец успеа да го доведе својот тим во водство во 65.минута, а Меси ја потврди победа на две минути до крајот.

Последниот дуел од осминафиналето меѓу Баерн Минхен и Јувентус е вистински шлагер на осминафиналето. По првиот дуел во Торино кој заврши 2-2 откако баварскиот гигант имаше предност од два гола, вечерва на „Алијанц Арена“ сосема друга слика. Јувентус изненадувачки поведе со 2-0 уште по 28.минути игра со головите на Погба и Квадрадо. Тоа ги занеме сите на стадионот во Минхен, но Пеп Гвардиола постави одлична офанзивна тактика во второто полувреме и со головите на Левандовски и Милер по нафрлени топки Баерн успеа да израмни да се избори за продолженија. Јувентус беше многу блиску до сензационален пласман во четврфиналето, но бункерот на „стара дама“ не издржа и прими гол во судиското продолежние.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.