Стеф Кари со победа го прослави роденденот, Јута го изненади Кливленд (видео)

Убедливо најдобриот тим во НБА лигата, актуелниот шампион Голден Стејт продолжува со импресивните партии оваа сезона. Кари и другарите славеа рутинска победа над Њу Орлеанс од 125-107 на домашен терен.
Тоа беше 49.победа во низа на домашен терен за „воините“ и вкупно 60. оваа сезона со што се убедливо најдобриот тим во лигата. Голден Стејт на 16 меча до крајот од регуларниот имаат скор од 60 победи и само шест порази и се многу блиску до рушење на рекордот на Чикаго Булс од сезоната 1995/96 кога од 82 натпревара победија на 72.

Стеф Кари го славеше својот 28. роденден и не дозволи опуштање во својот тим, па ланскиот МВП со 27 поени, 5 скока и 5 асистенции го предводеше актуелниот првак до нов триумф. Томпсон постигна 18, а Спајтс 14 поени во редовите на „воините“.

За разлика од шампионот, лидерот во источната конференција Кливленд неочекувано загуби на гостувањето во Солт лејк сити од Јута со 94-85. Леброн Џејмс постигна 23, а Ирвинг само 12 поени со очаен шут од поле (7/23), па кавси со мало потценување на противникот им овозможија на „џезерите“ да се радуваат на победата. Триумфот е уште позначаен ако се знае дека Јута на овој натпревар настапи без Хејворд, а најефикасен во победничкиот тим беше Родни Худ со 28 поени.

НБА резултати:

Мајами – Денвер 124-119

Шарлот – Далас 96-107

Торонто – Чикаго 107-109

Вашингтон – Детроит 124-81

Хјустон – Мемфис 130-81

Оклахома сити – Портланд 128-94

Феникс – Минесота 107-104

Јута – Кливленд 94-85

Голден стејт – Њу Орлеанс 125-107.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.