Баерн со „петарда“ против Вердер, засега сигурен на врвот (видео)

Завршија денешните шест натпревари од 26.коло во германската Бундеслига, во кои само една победа остварија гостинските екипи.

Сепак најинтересно беше во Минхен, каде актуелниот шампион и лидер Баерн го декласираше Вердер Бремен со 5-0, и што е поважно ја прекина серијата од два натпревари без победа.

Со оваа победа Баерн барем за кратко се одвои од Борусија Дортмунд на 8 бодови предност, со оглед на тоа што Борусија утре игра со Мајнц.

Баерн доминираше на натпреварот, шутираше преку 10 пати во рамките на голот на Вердер, а првиот гол беше постигнат уште во деветата минута, прецизен беше Тијаго Алкантара, по одличната асистенција на Коман.

До крајот на полувремето Коман запишува уште една асистенција, овој пат до Томас Милер кој во 31. минута зголеми на 2-0.

Милер погоди и за 3-0 во 65. минута. Четвртиот гол беше дело на Роберт Левандовски, кој во 86. минута ја искористи ситуацијата еден-на-еден со гостинскиот голман, во која дојде по катастрофалната грешка на одбраната на Вердер. Во последните моменти од натпреварот, точка ставија истите кои и го отворија – Алкантара беше уште еднаш прецизен повторно по асистенција на Коман.

Резултати:

Дармштат – Аугсбург  2-2
Хановер – Келн  0-2
Хофенхајм – Волфсбург  1-0
Инголштат– Штутгарт  3-3
Борусија Менхенгладбах – Ајнтрахт  3-0
Баерн Минхен – Вердер Бремен  5-0

Утре се играат натпреварите:

Баер Леверкузен – Хамбургер
Борусија Дортмунд – Мајнц

Табела:
Баерн Минхен 66 бодови
Борусија Дортмунд 58
Херта 45
Борусија Менхенгладбах 42
Шалке 41
Мајнц 40
Волфсбург 37
Баер Леверкузен 36…

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.