ѐВечерва во 20 часот во Театар Комедија е премиерата на претставата „Вардарски пастуви“, во продукција на Театар Комедија, а во режија на Синиша Евтимов.
Во претставата играат Атанас Атанасовски, Валентин Костадиновски-Тино, Жарко Димоски, Илија Илиоски, Столе Мицов, Едмонд Сотир, Крсте Јовановски и Јелена Жугиќ. Изборот на музика, превод, адаптација и режијата е на Синиша Евтимов, а кореографијата е на неговата сестра Саша Евтимова, која дебитира во театарска кореографија. Сценографијата е на Милан Несторов, а костимографијата е на Александар Ношпал.
„Вардарски пастуви“ е за скопска маалска банда која седи и не прави ништо. Нивното нефункционирање во средината не се должи на нивната неспособност, туку на нивната инертност и на тоа што не сакаат да се потрудат и да направат нешто повеќе со себе во животот. Се интересираат само за фудбалскиот клуб „Вардар“ и за фудбалот. Во момент на апатија и незаинтерсираност, во оглас во весник наоѓаат интересна понуда за работа-машки стриптиз. На крајот од претставата тие изведуваат машки стриптиз каде што ќе се соблечат до гола кожа.
Претставата е наменета за публика над 17 години, пред сѐ заради јазикот, а не голотијата.
„Вардарски пастуви“ е според филмот „Фул монти“ од Симон Буве и „Дамите бираат“ од Ентони Мекартен и Стивен Синклер и скопски урбани легенди, вели Евтимов.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Култната „Викенд на мртовци“ премиерно на сцената на Ттеатар Комедија
-
По пауза од 25 години Коле Ангеловски повторно ја режира „Не сега, драга“, сега за шестиот роденден на Театар Комедија
-
Коле Ангеловски ја режира „Не сега, драга“ во Театар Комедија
-
Синиша Евтимов во Театар Комедија ја подготвува претставата „Жена ми се вика Борис“
