ВМРО-ДПМНЕ: Ниту можеме, ниту сакаме во име СМК да преговараме со било кого

Во врска со шпекулациите дека ВМРО-ДПМНЕ почнало некакви преговори со ДУИ, и дека наводно било договорено на местото каде треба СМК да изгради крст да се изградел некаков парк на толеранција или некаков друг национален симбол, објавуваме дека ВМРО-ДПМНЕ ниту може, ниту сака во име СМК да преговара со било кого, вклучувајќи ја и ДУИ, се вели во денешното соопштение на партијата.

Од владејачката партија додаваат:

ВМРО-ДПМНЕ го осудува вандалскиот и насилничкиот однос на поединци од ДУИ од средата и четвртокот минатата недела. ВМРО-ДПМНЕ го повикува Оливер Спасовски да престане да бега и да се крие и конечно да почне да го работи тоа за кое што е платен, да издаде наредба МВР да почне постапки против лицата кои имаа незаконско однесување и да овозможи спроведување на законот. Го повикуваме Оливер Спасовски да има ист третман кон сите граѓани на државата. Во средата и четвртокот Оливер Спасовски направи тешки гафови и со несоодветно и нестручно работење остави толпата да ја превземе правдата во свои раце, да пали, да урива и да узурпира, со што предизвка многу проблеми.

Оливер Спасовски треба да овозможи непречено одвивање на сите работи кои се согласно законот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.