Леброн го надмина Данкан, Атланта ги изненади Клиперс, Чикаго конечно победи (видео)

Синоќа во НБА лигата се одиграа 8 натпревари.

Најинтересно беше во Кливленд каде домашната екипа успеа да ги победат Бостон и покрај лошиот старт во натпреварот, каде во првата четвртина примија 35 поени и губеа со 18 разлика. Леброн Џејмс одигра одлично, даде 28 поени надополнети со 11 скокови и 8 асистенции. Со оваа победа Кавси им вратија на Бостон за поразот на почетокот од февруари кога Ејвори Бредли погоди тројка за победа со звукот на сирената. Исто така со овој натпревар Леброн Џејмс го надмина Тим Данкан на вечната листа на стрелци со 26.378 поени.

Атланта во гости ги изненади Клиперс, со одличната партија на Пол Милсап кој имаше 20 поени и дури 18 скокови. Хоукс ги победија Клиперс и со полн плен си заминуваат од Лос Анѓелес, откако претходно ги совладаа и Лејкерс.

Џими Батлер по подолга пауза се врати во тимот и Булс конечно ја прекинаа серијата порази. Чикаго беше подабар од Хјустон, а Батлер изигра како да не бил повреден и постигна 24 поени и што е уште поважно Булс конечно ја вратија својата препознатлива игра. Гасол придонесе со 28 поени и 17 скокови, а погоди и 4 слободни фрлања во финишот на натпреварот. Кај Рокетс расположен за игра беше Харден кој постигна 36 поени, но слабиот процент на шут (9 од 35 тројки) сепак беше пресуден за поразот.

Резултати:

Њујорк – Детроит  99:100
Кливленд – Бостон  120:103
Њу Орлеанс – Јута  94:106
Сан Антонио – Сакраменто  104:94
Чикаго – Хјустон  108:100
Минесота – Бруклин  132:118
Клиперс – Атланта  97:107

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.