Елтон Џон не сака на синовите да им го остави целото богатство

Пејачот Елтон Џон (68) во неговите 50 години кариера заработи повеќе од 200 милиони фунти, а на синовите ќе остави само мал дел и тоа кога ќе наполнат 40 години. Секој ќе добие по околу 3,6 милиони фунти.

Елтон веќе 26 години е во врска со режисерот Дејвид Фурниш (53) со кој ги има синовите Захари (6) и Елаја (3).

– Нема ништо полошо од разгалени деца и млади луѓе кои не ја цената вредноста на трудот. Затоа момчињата помагаат во градината, ги местат играчките и така ќе продолжиме да ги воспитуваме, рече Елтон.

Го поддржува и колегата Стинг (64) кој на децата ќе им овозможи само школување.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.