Лилард со 33 поени ја почести Индијана, Далас останува во трката за плејофот (видео)

Изминатава ноќ беа одиграни седум натпревари во НБА лигата, од кои за одбележување е одличната партија на Демијан Лилард, а нови порази доживеаја Минесота и Филаделфија.

Лилард со 33 поени го предводеше Портланд до победа над Индијана од 111-102. Од Олстар дуелот на кој го немаше Лилард, Портланд остварија 13 победи од 15 меча, најмногу благодарение на најдобриот нивни кошаркар. Тој и против Пејсерси стигна до својот просек, со 33 поени, од кои 20 постигна во првата четвртина, а имаше и пет скока и две асистенции.

Далас ја продолжи битката за плеј-офот со сигурна победа над Минесота. Шабаз Мухамед беше најефикасен со 24 поени, Вигинс дополни со 15 поени, а Таунс запиша нов дабл-дабл од 12 поени и 11 скока.

Во тимот од Тексас доминираше Чендлер Парсонс со 29 поени, 6 скока и 4 асистенции. Весли Метјус имаше 15 поени, а Ли заврши со 13 постигнати поени.

Тренерот на Кливленд одлучи да го одмара Леброн Џејмс на натпреварот против Вашингтон и тоа му се врати како бумеранг бидејќи неговиот тим загуби со 113-99. Тие во еден момент губеа и со убедливи 30 поени разлика, за на крајот да се изборат за нешто по пристоен пораз. Џон Вол беше одличен во победата на Визардс со дабл-дабл ефект од 21 поен и 13 скока, а Ото Портер Јуниор исто така постигна 21 поен. Кајри Ирвинг беше најефикасен кај Кливленд со 28 поени.

НБА резултати:

Детроит – Торонто 114-101, Индијана – Портланд 102-111, Орландо – Филаделфија 130-116, Далас – Минесота 128-101, Њујорк – Мајами 81-98, Вашингтон – Кливленд 113-99, Атланта – Шарлот 87-76.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.