Рашфорд го сруши и Арсенал, Тотенхем со пресврт стигна до значајни три бода (видео)

Младиот тинејџер и новото откровение на Манчестер јунајтед, Маркус Рашфорд со уште еден блесок му донесе уште една значајна победа на Манчестер јунајтед, овојпат во големото дерби против Арсенал, во кое „ѓаволите“ триумфираа со 3-2 и се вратија во игра за четвртото место на табелата и учество во ЛШ следната сезона.
Младиот напаѓач своето деби во сениорската конкуренција го имаше пред 3 дена кога со два гола беше творец на победата на неговиот тим против Митјиланд во Лига Европа.
Токму Рашфорд ги постигна првите два гола за Манчестер јунајтед и ги шокираше „топчиите“, кои се надеваа дека против значително ослабениот и подмладен ривал ќе успеат да стигнат до позитивен резултат. Дени Велбек со гол во финишот од полувремето ја врати неизвесноста, но Ерера во 65. минута на асистенција на Рашфорд повторно ја врати предноста на јунајтед на два гола разлика. Се што успеа да стори Арсенал до крајот беше голот на Месут Озил, уште едно големо разочарување за Арсен Венгер, чиј тим направи огромен чекор назад во трката за титулата.

Manchester United vs Arsenal 3-2 All Goals and… by tapes1

За разлика од Арсенал, фудбалерите на Тотенхем успеваат да го задржат чекорот со водечкиот Лестер, откако „спарси“ попладнево во одличен меч го совладаа Свонси со 2-1. Гостите први поведоа преку Палоски, но Тотенхем по бројните промашувања во првото полувреме, во вториот дел успеа да направи целосен пресврт со погодоците на Шадли и на Дени Роуз.

Tottenham vs Swansea 2-1 Highlights & All Goals… by tony-hoksa

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.