Стеф Кари со нов рекорд, Харден со 49 поени и пресврт го урна Портланд (видео)

Најдобриот играч во моментов во НБА лигата и МВП за минатата сезона, Стефон Кари продолжува да ги фасцинира фановите во САД со фантастичните партии. Ноќеска тој повторно ја мина границата од 50 поени во победата над Орландо од 130-114.
Кари имаше фантастичен шут од поле погодувајќи 20 удари од 27 обиди, а воедно го мина Кајл Корвер на врвот на листата по бројот на уфрлени тројки во низа. Сега тој е лидер на таа листа со дури 128 меча по ред на кој погодил шут за три поени.

– Не знам дали ми е тој рекорд значаен затоа што е тоа лесно за него. Тоа е тој. Дојдовме до точка кога очекуваме да шутира од половина терен – рече тренерот на Вориорс, Стив Кер.

Прв играч е од Леброн Џејмс и Двејн Вејд, од сезоната 2008/2009, кој во една сезона има најмалку три натпревари со 50 или повеќе поени.

Џејмс Харден, пак, постигна 46 поени во Победата на Хјустон над Портланд од 119-105, и покрај 21 поен негатива во еден момент.

Ентони Дејвис постигна 30 поени, притоа и со четири блокади, а тројца резервисти на Њу Ореланс комбинираа 60 поени, за победа на нивниот тим над Оклахома. Андерсон го следеше Дејвис со 26 поени, Холидеј дополни со 22 поени и девет асистенции, додека Тони Даглас уфрли 12 поени за 14 минути на паркетот.

На Оклахома не му помогна ниту одличниот Расел Вестбрук кој постигна 44 поени, дополнети и со 9 асистенции. Кевин Дурант имаше 32 поени, 14 скока и 7 асистенции.

НБА резултати:

Орландо – Голден стејт 114-130, Бостон – Милвоки 112-107, Њу Орлеанс – Оклахома 123-119, Феникс – Бруклин 106-116, Портланд – Хјустон 105-119, Јута – Сан Антонио 78-96.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.