Барса се намачи со аутсајдерот (видео)

Во шпанската Примера Дивизија викендов на програмата е 25. коло.

Барселона успеа да ги освои трите бодови на незгодното гостување на Канарските острови кај екипата на Лас Палмас.

Каталонците сега имаат плус 9 бодови во однос на второпласираниот Атлетико Мадрид, односно плус 10 во однос на третопласираниот Реал Мадрид, со тоа што мадридските клубови се уште ги немаат одиграно своите натпревари од актуелното 25. коло во Примера Дивизија.

Барселона брзо дојде во водство на „Гран Канарија“ во Лас Палмас уште во шестата минута.

Но, „канаринците“ експресно се вратија во игра. Во 10. минута резултатот е израмнет – Виера со одлично подавање, со пета, го проигра Вилијан Хозе, офсајд замката на каталонците не успеа, а домашниот напаѓач рутински ја упати топката во мрежата од голот.

Сепак, во финишот на првите 45 минути Барса успеа повторно да го врати водството. По проигрувањето од Суарез од десната страна Меси не успеа да погоди, но „отпадокот“ го собра Нејмар и го претвори во гол, за конечен резултат од 1-2.

На првиот натпревар од 25.коло вчера Леванте го победи Хетафе со 3-0.

Денешни натпревари:
Лас Палмас – Барселона  1-2
Еспањол – Ла Коруња  1-0
Бетис – Спортинг Хихон  20:30ч.
Селта Виго – Еибар  22:05ч.

Утре играат:
Рајо Ваљекано – Севиља,
Малага – Реал Мадрид,
Атлетик Билбао – Реал Сосиедад,
Гранада – Валенсија,
Атлетико Мадрид – Виљареал.

Табела:
Барселона  63
Атлетико Мадрид  54
Реал Мадрид  53
Виљареал  48
Севиља  40
Еибар  36…

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.