Експлозија во центарот на Анкара: Најмалку пет мртви во бомбашкиот напад (галерија)

Во центарот на Анкара одекна силна експлозија, јавуја турските медиуми. Според гувернерот на Анкара има најмалку пет мртви, и повеќе повредени.

Според првите информации експлозијата била предизвикана од бомба која е подметната во автомобил со цел да биде погодено комбето кое превезува воени лица, јави „Ројтерс“ повикувајќи се на изјавата на гувернерот на Анкара, Ахмет Киликлар, а ја пренесе турскиот „Си-Ен-Ен“.

Турската телевизија НТВ јави дека експлозијата се случила во време на најгустиот сообраќај, додека луѓето се враќаат од работа, а возилото експлодирало во близина на седиштето на војската додека поминувало комбето со војници, пренесува „Асошиетед прес“. Телевизиските снимки покажуваат голем облак црн чад над градот и неколку запалени возила.

Полицијата го истражува инцидентот и се сомнева дека станува збор за бомбашки напад.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.