Ливерпул конечно забележа премиерлигашка победа откако избраниците на Јирген Клоп попладнево го декласираа тимот на Астон вила, на гостински терен со убедливи 0-6.
Клоп за првпат по доаѓањето на „Енфилд“ ги имаше на располагање заедно Кутињо, Фирмино и Стариџ, кои покажаа дека можат одлично да функционираат заедно. Мора да се истакне и дека против себе го имаа убедливо најслабиот тим во Премиер-лигата, кој речиси сигурно ќе испадне од елитното друштво, па „црвените“ го искористија тоа за да ја наполнат мрежата на противникот и да си ја зголемат самодовербата пред следните предизвици, финалето од Лига-купот со Манчестер сити, како и претстојниот двомеч од Лигата на Европа против Аугсбург.
Даниел Стариџ ја отвори серијата голови на „Вила парк“, на 0-2 зголеми Милнер, а во второто полувреме меѓу стрелците се запишаа и Џан, Ориги, Клајн и Коло Туре.
all Goals – Aston Villa vs Liverpool 0-6 ALL… by sports-live2
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
