Рутинска победа на Милан над Џенова (видео)

Без никакви проблеми Милан стигна до победата во 25. коло од Серија А, славејќи со 2-1 (1-0) против Џенова.

„Росонерите“ веќе седум кола не знаат за пораз во италијанскиот шампионат, овој пат најавувајќи ја победата уште во 5. минута со погодокот на Бака. Во второто полувреме, Хонда стрелаше во 64. минута зголемувајќи на 2-0. Во финишот, во 93. минута, Черчи успеа само да постигне почесен погодок за гостите.

ALL-GOALS-HIGHLIGHTS 2-1 MILAN VS GENOVA… by lifefootball

Горан Пандев, повторно остана само на клупата за резервни фудбалери во составот на Гасперини.

Со новите три бода, Милан по 25 кола сега има 43 бода останувајќи на шестата позиција, со четири бода помалку во однос на третопласираната Рома, на три бода од Фиорентина и на два бода од Интер, кој е на петтото место.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.