По цели десет кола Гери Невил се израдува на победа со Валенсија (видео)

Гери Невил во десеттиот обид се израдува на првата победа во Примера дивизион како тренер на Валенсија, откако „лилјаците“ вечерва го совладаа тимот на Еспањол со 2-1. Притисокот врз англискиот стратег во пресрет на овој меч беше огромен, но фудбалерите успеаја да најдат начин да слават и барем за момент да излезат од големата криза.

Валенсија повторно се најде во негатива откако на стартот од второто полувреме Дуарте се снајде најдобро по еден корнер од левата страна и ја затресе мрежата на домаќините. Свирежите од трибините повторно станаа актуелни, но Невил повлече вистински потег уфрлајќи го во игра Негредо на местото на Родриго. Токму екс-голгетерот на Севилја и на Манчестер сити го постигна израмнувачкиот гол за „лилјаците“, пред Черишев да го комплетира пресвртот, за прва победа на Валенсија во Примера дивизион уште од триумфот во Виго над Селта на 7 ноември минатата година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.