На денешен ден почнаа маките на овој мачор – погледнете го првиот „Том и Џери“ (ВИДЕО)

Том и Џери, едни од многубројните јунаци на нашето детство, на малите екрани се појавиле на 10 февруари 1940 година.

Оттогаш поминаа 76 години, а Том и понатаму пробува да го фати Џери, но како изгледал нивниот “прв заеднички проект” погледнете во епизодата “Puss gets the boot”.

Првиот анимиран филм на Вилијам Хана и Џозеф Барбера беше номиниран за Оскар за краток анимиран филм. Тогаш не го освои Оскарот, но со сигурност ги освои нашите срца.

Хана и Барбера напишале и продуцирале 114 цртани со Том и Џери во “MGM” студиото во Холивуд меѓу 1940 и 1957 година.

Во првиот цртан филм ги гледавте Џаспер и Џинкс, кои дури подоцна ги добиле имињата Том и Џери.

Бидејќи јунаците не зборуваат (или го прават тоа многу ретко), музиката игра голема улога во овој цртан – од мелодијата до звучните ефекти. Ичи и Скречи од “Симпсонови” се всушност пародија на Том и Џери.

Цртанот од 1943 до 1953 година освои седум Оскари за епизодите
“The Yankee Doodle Mouse”, “Mouse trouble”, “Quiet Please”, “The cat concerto”, “The little orphan”, “The two mouseketeers” и “Johan Mouse”.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.