Борусија се пласираше во полуфиналето, Леверкузен елиминиран (видео)

Борусија Дортмунд се пласираше во полуфиналето од Купот на Германија, по победата од 1-3 што „милионерите“ ја забележаа на гостувањето против Штутгарт. Марко Ројс беше во главна улога постигнувајќи го првиот гол на мечот, а потоа и асистирајќи до Обамејанг при вториот погодок за тимот од Дортмунд. Штутгарт во самиот финиш тргна во тотална офанзива, па се отвори многу простор за гостите, Обамејанг тргна во контранапад и несебично го проигра Мхитаријан за конечните 1-3.

All Goals HD – VfB Stuttgart 1-2 Dortmund – 09… by Gol-Live

Вердер приреди изненадување откако славеше на гостински терен против Баер Леверкузен со 1-3, пласирајќи се во полуфиналето. „Фармацевтите“ први поведоа преку Чичарито Ернандез, но потоа следеше пресвртот. Гарсија израмни на 1-1, а во финишот од полувремето Вендел доби црвен картон, по што Пизаро од пенал го доведе тимот од Бремен во предност. Конечните 1-3 ги постави Грилич, а уште поголем проблем за Баер од поразот претставува повредата што ја заработи Чичарито, по која мексиканскиот голгетер сега ќе мора извесен период да отсуствува од терените.

All Goals HD – Bayer Leverkusen 1-3 Werder… by sporttvks

Во денешните четвртфинални дуели се среќаваат: Бохум – Бајерн и Хајденхајм – Херта

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.