Кливленд загуби со звукот на сирената, Сан Антонио го декласираше Далас (видео)

Најголемото изненадување во синоќешната програма од 10 натпревари во НБА лигата го направи Бостон Селтикс кој победи на гостувањето кај Кливленд и тоа со тројка во последната секунда. Јунак за „детелинките“ беше Ејвори Бредли кој ги постигна последните поени.
Целиот натпревар изобилуваше со пресврти, па дури и Леброн Џејмс кој постигна 30 поени беше немоќен да стори нешто повеќе против тимот кој ја оствари осмата победа во девет натпревари. Генерално, Лошиот шут од линијата за слободни фрлања го одведе Кливленд до пораз бидејќи кошаркарите на Тајрон Лу промашија дури 14 пати од 35 обиди.

Денвер Нагетс и Чикаго Булс одиграа интересен натпревар синоќа во НБА лигата, во кој Нагетси стигнаа до триумф од 115-110. Гостите од Чикаго водеа со 14 поени на почетокот од последниот период, но на крајот Денвер беше тој кој се радуваше на победата.

Галинари беше расположен кај домашните со 33 поени, додека кај Чикаго предводеше Дерик Роуз со 30 поени и девет скока, дополнето и со осум асистенции.

Сан Антонио како брз воз помина низ Далас и победи 116-90 за најдобриот биланс во својата историја по 50 одиграни натпревари – 42-8. Решавачко беше првото полувреме кое Сан Антонио го доби 62-26 и уште тогаш се знаеше дека Далас ќе доживее дебакл. До крајот, Мавс, сепак, малку го ублажија поразот, но и факт е дека Сан Антонио во второто полувреме малку го намалија темпото и испуштија можност да го уништат својот тексашки противник.

НБА резултати:

Денвер – Чикаго 115-100, Јута – Милвоки 84-81, Далас – Сан Антонио 90-116, Атланта – Индијана 102-96, Вашингтон – Филаделфија 106-94, Шарлот – Мајами 95-98, Орландо – ЛА Клиперс 93-107, Кливленд – Бостон 103-104, Њујорк – Мемфис 85-91, Бруклин – Сакраменто 128-119

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.