Село од 940 жители ита кон титулата во Македонија

„Село со 940 жители ита кон шампионската титула во Македонија“ ова е насловот на текстот што го објави хрватскиот портал „24sata“. Се разбира, тоа се однесува на Хоризонт Турново, кој е лидер во домашното фудбалско првенство со 47 бода, исто колку и Металург, кој е на втората позиција, со послаба гол-разлика, а на третото место е Вардар со еден бод помалку.

До крајот на сезоната има да се одиграат уште шест кола, а доколку Турново го освои насловот, секако дека ќе биде за нив најголемиот успех во 63-годишната клупска историја.

До крајот на сезоната Хоризонт Турново на домашен терен игра со Металург, додека во последното коло му гостува на Вардар.

– Овој тим игра на стадионот „Кукуш“ кој има капацитет од 1.500 места, а доколку одлучат сите жители да бидат таму на дербито против Металург, со оглед на малиот број жители, тогаш ќе останат уште 558 слободни столчиња – пишува, меѓудругото, овој хрватски портал.

Извор: Курир.мк

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.