Во поголемиот дел од земјава утрово времето е ведро и тивко. Зголемена облачност има во југозападните делови. По котлините во Повардарието има појава на магла со намалена видливост од 50 до 100 метри, а послаба магла во Струмичко.
Во текот на денот ќе имаме сончево време со мала до умерена облачност, по котлините претпладне со појава на магла. Ќе дува слаб, повремено умерен северозападен ветер. Максималната температура ќе се движи од 9 до 16 степени.
Во Скопје претпладне ќе биде магливо, во текот на денот сончево со мала до умерена облачност и слаб до умерен северозападен ветер. Максималната температура ќе достигне до 11 степени.
Во наредните денови продолжува периодот на стабилно и релативно топло време, што ќе услови постепено топење на снежната покривка на планините. До утре дневната температура ќе биде во благо опаѓање, а потоа во почетокот на следната недела ќе биде во покачување. Условите за појава на магла по котлините ќе се намалат.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
