Томпсон со 45 поени ги потопи Далас, лесна победа на Кливленд (видео)

Најдобриот играч на Голден Стејт Стефон Кари, немаше свој ден во натпреварот против Далас, но то не му пречеше на Клеј Томпсон со 45 поени да ги потопи гостите и да оствари уште една победа од 127-107. Кари постигна само 14 поени и девет асистенции што е далеку од неговиот просек оваа сезона.

Оклахома славеше на гостински терен против Минесота со 123-126, во меч во кој Кевин Дурант имаше 27 поени, 9 скока и пет асистенции, а Расел Вестбрук дополни со 24 поени и 15 асистенции. Во екипата на Минесота одличен беше Зек Лавин со 35 поени.

Сан Антонио брзо се опорави од дебаклот против Голден стејт и убедливо славеше против Хјустон. Мечот беше одлучен во втората четвртина која тимот на Грег Попович ја доби со 34-20.

Спарси стигна до 39-та победа сезонава, а Олдриџ доминираше со 25 поени, 10 скока и пет асистенции. Грин постигна 18 поени, дополнети и со 6 скока, а 18 поени уфрли и Ленард.

Очекувано лесна победа оствари Кливленд против Хјустон, што беше 32 триумф за минатогодишниот финалист. Леброн Џејмс имаше 21 поени и 9 асистенции, Лав покрај 21 поен имаше и 11 скока, а Ирвинг беше лош со само 8 поени, и тоа 4 од 11 од игра.

НБА резултати: Минесота – Оклахома 123-126, Сан Антонио – Хјустон 130-99, Атланта – ЛА Клиперс 83-85, Кливленд – Феникс 115-93, Детроит – Филаделфија 110-97, Бостон – Денвер 111-103, Јута – Шарлот 102-73, Голден стејт – Далас 127-107.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.