Дурант најдобар оваа сезона, Оклахома триумфално мина низ „Медисон сквер гарден“ (видео)

Екипата на Оклахома со победа со враќа од Њујорк каде во легендарната „Медисон сквер гарден“ ја победи домашната екипа по продолжение со 128-122.
Првата ѕвезда на Оклахома, Кевин Дурант одигра најефикасен натпревар оваа сезона постигнувајќи 44 поени и 14 скока. Одличен натпревар одигра и Расел Вестбрук на кого му недостасуваше само два скока за нов трипл-дабл во кариерата реализирајќи 30 поени, десет асистенции и осум скока. На другата страна, Галовеј заврши со 21 поен, но повторно се почувствува отсуството на Кармело Ентони кој не учествуваше во третиот пораз во низа на Њујорк Никс поради оток на оперираното лево колено.

Од другите натпревари, за одбележување се поените во последната секунда на ветеранот на Далас Дирк Новицки во дуелот Лос Анџелес Лејкерс со кој тимот од Тексас дојде до победaта.

НБА резултати:

Индијана – ЛА Клиперс 89-91, Филаделфија – Феникс 113-103, Бруклин – Мајами 98-102, Њујорк – Оклахома 122-128, Торонто – Вашингтон 106-89, Милвоки – Орландо 107-100, Портланд – Сакраменто 112-97, ЛА Лејкерс – Далас 90-92.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.