Залудни 56 поени на Казинс, Голден стејт нема достоен противник (видео)

Изминатава ноќ во НБА лигата беа одиграни девет натпревари. Вечерта ја одбележаа Демаркус Казинс со 56 поени за својот тим Сакраменто. Иако одигра неверојатен натпревар сепак неговиот тим загуби по продолжението со 129-128 од Шарлот во чии редови се истакна Даниел со 28 постигнати поени.

Голден стејт, по Кливленд, го декласираше и главниот ривал од Западната конференција, Сан Антонио со 120-90. Симултанка на мечот имаше Стеф Кари со 37 поени, за 28 минути на паркетот. Кари го следеа Брендон Раш и Шон Ливингстон со по 13 поени, а Клеј Томпсон и Драјмонд Грин уфрлија по 11 поени.

Кошаркарите на Кливленд славеа против Минесота со 114-107, водени од Леброн Џејмс со 25 поени, додека Томпсон дополни со 19 поени.

Екипата на Мајами, пак, беше подобра од Чикаго со 89-84, додека Бостон беше поуспешен од Вашингтон со 116-91.

НБА РЕЗУЛТАТИ: Голден Стејт – Сан Антонио 120-90, Денвер – Атланта 105-119, Чикаго – Мајами 84-89, Мемфис – Орландо 108-102(пр), Њу Орлеанс – Хјустон 111-112, Кливленд – Минесота 114-107, Вашингтон – Бостон 91-116, Јута – Детроит 92-95, Сакраменто – Шарлот 128-129(пр).

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.