Ајфеловата кула, една од најпосетените туристички атракции во светот, сѐ повеќе е одбегнувана од посетителите по ноемвриските терористички напади во Париз.
Минатата година „железната дама“ ја посетиле малку над седум милиони луѓе, што е пад од 2,5 отсто во споредба со 2014 година, кога беа регистрирани 7,1 милион туристи, соопшти компанијата СЕТЕ, која се грижи за споменикот стар 126 години.
„Пред трагичните настани што ја погодија француската престолнина во ноември 2015 година, посетите беа во пораст за еден процент“, се наведува во соопштението, пренесуваат француските медиуми.
Повеќето посетители, приближно 80 отсто, се странци, најмногу од САД, Канада, Велика Британија, Шпанија и Италија, прецизира СЕТЕ.
Оваа компанија наведува дека бројот на туристи од северна Америка и западноевропските земји е стабилен, но дека има помалку Руси и повеќе Индијци и Кинези, како и Бразилци.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
