Во Романија почна формирање на новата политичка партија – Партија на разочараните. Основач е сенаторот Јулијан Урбан, кој преку социјални мрежи упатил апел за членство во идната политичка формација која според него, ќе може да стави крај на лошата состојба во државата.
– Романските избирачи беа измамени, искористени и потоа игнорирани и тоа е основниот проблем на нашата политика. Државата има потреба од еден милион луѓе кои ќе се соберат и Партијата на разочараните е првиот чекор за да биде променета таа состојба – вели Урбан. Тој додава дека запишувањето нови членови во партијата се врши преку социјалните мрежи.
Според анкети од крајот на минатата година, 53 отсто од анкетираните сакаат враќање кон социјализмот, според 64 отсто курсот за евроинтеграција на романските власти е неправилен, а 27 отсто наведуваат дека државата наскоро може да ја напушти ЕУ. Осумдесет отсто од анкетираните не ја одобруваат политиката на романскиот претседател Трајан Басеску.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
