Турската полиција вчера во Истанбул и во Адана приведе вкупно 33 осомничени членови на џихадистичката група Исламска држава (ИД), од кои 16 се странски државјани, соопштија денеска властите во Анкара.
Припадниците на антитерористичката единица во исто време извршиле претрес во пет квартови во Истанбул, при што се уапасени десет лица.
Има информации дека приведените биле во контакт со борци од ИД и дека патувале во конфликтните зони.
Во акцијата во Адана се приведени 23 лица, од кои 16 се странски државјани, кои планирале да ѝ се приклучат на ИД.
Петнаесет од нив се египетски државјани, а една е Русинка.
Седумтемина приведени турски државјани се осомничени дека врбувале борци за ИД.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
