Гранати ја предизвикале фаталната експлозија на аеродромот „Сабиха Гокчен“ во Истанбул во декември, јави Анадолија повикувајќи се на информации од истрагата.
Обвинителството во Истанбул соопшти денеска дека четири гранати биле истрелани на 23 декември од шумската област на околу два километри од аеродромот, кој се наоѓа во азискиот дел на Истанбул, во 2:15 часот по локално време.
Триесет и едно годишна хигиеничарка на аеродромот почина, откако беше погодена во главата, а нејзин колега (33) се здоби со повреди во пределот на едната рака.
Се уште не е познато, кој го извршил нападот и дали напаѓачите имаат врска со некоја терористичка организација.
При експлозијата на аеродромот, кој е втор по големина меѓународен аеродром во Истанбул, беа оштетени пет авиони.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
