Леброн со 34 поени го сруши Денвер, Хорфорд клучен за победата на Атланта (видео)

Ѕвездата на Кливленд, Леброн Џејмс синоќа си го честиташе 31.роденден со одличен натпревар на гостувањето кај Денвер постигунувајќи 34 поени во победата од 93-87. По очајните натпревари кои ги одигра во последните 10 дена, Леброн беше фантастичен со шут од поле 13/24. На спротивната страна, Бартон постигна 29 поени и тој донекаде ја држеше рамнотежата и спречи поубедлив пораз на Нагетс.

Исклучително возбудлив и ефикасен дуел беше одигран и во Хјустон, каде домашните немаа решение за Ал Хорфорд кој постигна 30 поени, дополнети и со 14 скока, за триумф на Атланта од 121-115.

Одличен меч одиграа Оклахома и Милвоки во кој на крајот беа постигнат 254 поени. Оклахома триумфираше со 131-123 во дуелот кој се играше без одбрани. Мидлтон со 36 поени беше убедливо најефикасен на теренот, додека двете ѕвезди на Оклахома, вестбрук и Дјурент постигнаа по 27, односно 26 поени.

НБА резултати:

Њујорк – Детроит 108-96, Хјустон – Атланта 115-121, Мемфис – Мајами 99-90, Оклахома – Милвоки 131-123, Денвер – Кливленд 87-93.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.