Џихадистите во Рамади држат цивили како жив штит

Припадниците на Исламска држава ги спречуваат цивилите да го напуштат Рамади, а ирачката армија планира напад за повторно воспоставување на контрола над градот, изјави денеска портпаролот на ирачкото Министерство за одбрана Насер Нури.

Тој тврди дека има семејства кои успеале да побегнат од Рамади, кои тврдат дека ИД не дозволува заминување од градот и планира цивилното население да го искористи како жив штит.

Авиони на ирачката армија вчера фрлија летоци на кои пишува дека граѓаните имаа 72 часа да го напуштат градот и содржат мапа за безбедни рути за излез.

Според податоци на ирачките разузнавачки служби во центарот на Рамади, престолнина на провинцијата Анбар се наоѓаат од 250 до 300 џихадисти. ИД го зазеде Рамади во мај.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.