Голден стејт со новата победа стигна до само една победа од втората најдобра серија (видео)

Актуелниот НБА шампион тимот на Голден Стејт синоќа оствари уште една победа во новата сезона и воопшто нема намера да намали со добрите игри кои ги водат до феномелен резултат.
Рекордот по најдобра серија од стартот на сезона кој сега изнесува 22 победи оддамна е срушен, а со победата од 114-98 над Бруклин на гостински терен стигна до само една победа од второто место на најголеми серии на победи во историјата. Сега Голден стејт има 26 победи во низа вклучувајќи ги и четирите од мината сезона и се на чекор од израмнување на рекордот на Мајми од 27 победи. На врвот е ЛА Лејкерс со 33 победи, рекорд кој според игрите на Голден стејт може многу лесно да биде срушен. Сепак за да стигне до уште една победа нема да има ниту малку лесно задача бидејќи гостува на жешкиот терен на Индијана утревечер.
Стеф Кари повторно беше најдобар за својата екипа со 28 поени од кои дури 16 во третиот период од играта кога беше направена клучната разлика за победа. Веднаш до него беше Дејмонд Грин со 22 поени и Клеј Томпсон со 21, но и со одличен почеток на натпреварот.

Интересно беше во Мемфис, каде „гризлите“ по голема битка славеа над Феникс со минимални 95-93. Мемфис имаше водство од 93-87 на минута и пол до крајот, но гостите успеаја да стигнат до израмнување. „Гризлите“ го имаа последниот напад и успеаја да реализираат со забивањето на Грин на 0,5 секунди до крајот, за радост меѓу домашните фанови.

НБА резултати:
Мемфис – Феникс 95-93, Бруклин – Голден стејт 98-114, Детроит – ЛА лејкерс 111-91, Вашингтон – Далас 104-116.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.