Иако во играњето шах нема ништо чудно, но по малку е изненадувачки да се поврзе оваа игра со „дивиот“ басист на групата „Red Hot Chilli Peppersa“, Фле (53). Бендот наводно ужива во таа игра заедно кога имаат време, Фле е апсолутен шампион. Басистот е толку сигурен во своите способности на играње шах што еднаш го предизвика светскиот првак на партија шах.
Освен тоа Фле се занимава и со пчеларство.
Можеби и не е толку чудно што ексцентричниот Џони Деп (52) има морничаво хоби. Имено, актерот обожува кукли, а особено Барби кукли и ги има во огромен број. Се разбира ги собира само ретките изданија, но и куклите со ликовите на славните личности. Наводно ја поседува кулката на Линдзи Лохан која на зглобот има електронска нараквица од времето кога актерката беше во куќен притвор. Актерот вели дека собирањето кукли е едно од нештата во кои е „многу добар“.
Том Хенкс (59), пак, е страствен колекционер на старински машини за пишување. Тој во својот дом има преку 200 машини. Најдобро од се е што не ги чува само за украс, туку понекогаш и ги користи. За да ја пренесе својата љубов кон машините за пишување на „дигиталната“ генерација, објави мобилна апликација ‘The Hanx Write’ која произведува звук на машина за пишување кога пишувате во неа.
Поранешниот гитарист на ‘Guns N Rosesa’, Слаш (50), е вистински зависник од флипери. Со оваа игра го „запознала“ неговата сопруга и оттогаш не престанал да игра. Иако отворено призна дека не му оди баш најдобро, веќе со години наназад ужива во играњето флипери. Неговата страст кулминираше во средината на деведесеттите кога дизајнираше ‘Guns N Roses’ флипер апарат. Се разбира, апарати има во својот дом и тоа во посебна просторија.
Привлекувањето на Анџелина Џоли (40) кон студеното оружје и по малку „настрани“ нешта е позната работа.Актерката со години наназад собира за својата колекција ножеви од кои некои се антиквитети. Најголемиот број потекнуваат од различни култури од сите страни на светот и ги чува заклучени во посебен простор. Енџи со години ја полни својата колекција и со првите изданија на книги.
Џебната Венера, Кајли Миног (47), обожува да игра ‘Scrabble’. Кога има слободно време, Кајли се занимава со Scrabble маратон со своите пријатели. Сите се восхитуваат на нејзиното познавање на јазикот и тврдат дека е „подвижен речник“. За пејачката најлоша работа кај еден маж е да е лош во таа игра, во која таа, велат нејзините пријатели, речиси секогаш победува.
Том Круз (53), кој е акциски јунак и зад сцената е вљубен во мечувањето. Во својата вила има сала за тренинзи, а на тој спорт „ги навлекол“ и своите пријатели Вил Смит (47) и Дејвид Бекам (40). Освен тоа, Круз е и пилот и се гордее со фактот дека речиси сите сцени во филмовите во кои има акција ги снима сам без каскадери.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
