Кари е неверојатен, одлична партија и на Коби Брајант (видео)

Бекот на Голден Стејт и МВП на минатогодишната сезона, Стефон Кари продолжува со неверојатните игри во новата сезона. Синоќа во победата над Шарлот од 116-99 на гостински терен.
Кари повторно одигра фантастичен меч реализирајќи 40 поени од кои дури 28 поени во третата четвртина, а сите останати негови соиграчи додадоа само пет. Посебен мотив за него беше и Мајкл Џордан кој го проследи целиот натпревар и се воодушевуваше на тројките кои ги погоди кари со огромен процент на шут, осум од 11 обиди. Покрај него, само Клеј Томпсон имаше двоцифрен поентерски ефект од 21 поен, но и тоа беше сосема доволно за уште една убедлива победа по кој Вориорси се уште поблиску до нов рекорд во НБА лигата. Од почетокот на сезоната Голден Стејт има 20 победи во низа и сеуште е без пораз.

Кога Коби Брајант во текот на кариерата реализирал повеќе од 30 поени, скоро секогаш неговиот тим ЛА Лејкерс победувал. Така беше и во синоќешниот натпревар на гостински терен кај Вашингтон кој го добија „езерџиите“ со 108-104. Коби кој најави крај на кариерата на крајот од оваа сезона потсети на старите добри времиња и постигна 31 поен, рекордни оваа сезона. Не смее да се потцени ниту ефектот на Џулиус Рендл кој покрај 15. поени оствари 19 скока, а Лејкерси ја прекинаа низата од седум порази. Бадијала беше одличниот ефект на Џон Вол кој беше на три скока од трипл-дабл: 34 поени, 11 асистенции, седум скока.

НБА Резултати: ЛА Клиперс – Индијана 91-103, Сан Антонио – Милвоки 95-70, Њујорк – Филаделфија 99-87, Детроит – Феникс 127-122, Хјустон – Њу Орлеанс 108-101, Чикаго – Денвер 99-90, Атланта – Торонто 86-96, Шарлот – Г.Стејт 99-116, Вашингтон – ЛА Лејкерс 104-108

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.