Последната трка од овогодишениот шампионат во Формула 1 ќе се вози во Абу Даби. Старо-новиот шампион Луис Хамилтон ја осигура титулата уште пред неколку трки, но не се откажува да освои уште некоја победа. Сепак тој во борбата за првото стартно место на утрешната трка загуби од неговиот клупски колега Нико Розберг кој како утеха оваа сезона му се 11.први места во квалификациите.
Денешните квалификации беа многу интересни, откако Себастијан Фетел не успеа да ја мине првата рунда, а Фернандо Алонсо повторно разочара остварувајќи го само 19. најдобро време. Битката меѓу Розберг и Хамилтон се водеше до самиот финиш, Британецот во последниот круг успеа да постави најдобро време, за потоа Розберг во својот летечки круг да биде за третина од секундата побрз од Хамилтон и заслужено да стигне до нова пол-позиција.
Од третото место утрешната трка ќе ја почне Кими Раиконен, зад кого ќе се најдат Перез, Рикардо, Ботас, Хулкенберг, Маса, Квијат и Сајнц.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
