Малку се луѓето што можат да се пофалат дека при породувањето им помогнала некоја важна личност.
Една од нив е девојчето родено во авион во текот на летот на релација Н’Џамена-Париз, кое дојде на свет со помош на поранешниот француски министер за надворешни работи, Филип Дуст-Блази, соопшти француската авиокомпанија „Ер Франс“.
Како што јавуваат француските медиуми, бебето е родено во момент кога леталото се наоѓало над Алжир, два часа пред слетување на парискиот аеродром „Шарл де Гол“.
На бремената жена при породувањето ѝ асистираше една патничка и Дуст-Блаз, кардиолог по вокација и кој во својство на помошник генерален секретар на ОН се враќал од конференцијата на Светската здравствена организација.
„Ер Франс“ не предвидува никакви органичувања за бремените жени, а неговиот екипаж е обучен да помага при породување.
Францускиот авиопревозник, сепак, потсетува дека со раѓањето во некои од неговите авиони не се здобиваат со некои бенефиции во поглед на купување билети.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
